香港文匯報訊（記者 梁靜儀）剛由TVB總經理（節目內容營運）轉任新成立、專責就新節目內容及策略方向，向董事局提供建議的諮詢委員會召集人的曾志偉，日前接受娛樂訪談節目《一周星星》訪問。
志偉坦言任五年總經理是「得不償失」的經歷。他解釋：「得嘅係學到好多嘢，知道做管理層係點；最開心嘅係出街有陌生人行過嚟同我話：『𠵱家啲節目好好睇！』即刻整個人冧晒。」但同時亦笑言「失」在失去個人時間：「我60歲時話要享受黃金十年，點知仲要返嚟TVB捱騾仔。」
志偉續指，做電視圈，尤其是TVB，是冇得停，坦言任內身體變差、白髮增多，壓力源之一竟是擔心開會遲到：「一定要校鬧鐘，因為你唔喺度啲會開唔成，我會好內疚，（變相整日）七點幾要起身，唔夠瞓整日精神差。」
對於在職期間推動節目內容創作的表現，志偉僅自評50分：「盡力就100分，好唔好可能得50分啦，我未做到要放棄一啲嘢。」他透露有同事因工作量太大而辭職，才驚覺「原來我哋度過千個節目，邊用得晒。」
他坦言最大的遺憾是任期內未能做一個獲全香港認可的音樂頒獎典禮，「其實我唔止想做香港，我想做整個大灣區嘅音樂頒獎典禮，其實有籌備過，我都同好多大灣區唔同電視台開過會，但未喺我任期發生到。」對於被不少同事譽為節目內容創作的「定海神針」，志偉謙稱最重要的是有擔當，例如2022年曾大膽嘗試讓周奕瑋獨挑大樑主持《萬千星輝頒獎典禮》。
回顧多年主持生涯，志偉坦言對自己影響最大的是《獎門人》，因為每條題目、每個環節都是自己親力親為。他表示最後悔曾在節目中向汪明荃「飛拖」，被肥姐（沈殿霞）鬧爆，卻感激有人能管束自己。「最鍾意拍肥姐，因為有個人可以喝住我。」
談到卸任總經理後的計劃，志偉期待零包袱回歸幕前，笑言最想做港姐，問港姐問題。他又透露曾兩度報讀中醫卻未能返到學，盼真正退休後能抽空讀書增值自己。
0
已點過讚
0 / 255