自認被蒙蔽難自拔 李龍基疑與王青霞未斷聯

香港文匯報訊（記者 梁靜儀 ）75歲的李龍基與39歲的前未婚妻王青霞（Chris）的「爺孫戀」因女方被爆在內地有丈夫及兒子而告吹。李龍基今日出席活動，自稱是「李龍豬」，坦言已放下不少，唯仍需接受現實。

他指為了女方在珠海租屋組織家庭，如今人去樓空，因租約未滿仍會回去收拾，難免觸景傷情。基哥指王青霞離開前曾通知他：「佢父母叫佢返去，之後又話父母想佢留低打理生意。」他澄清並非事前知情：「我同大家一樣，到冬至才知佢仲未離婚、仲有個仔，當時打擊難以形容。」基哥承認曾憤怒，但最終體諒對方「有難處」：「我知道佢好愛我，相信佢係怕講出來我哋會散。」

被問及是否知悉女方的婚姻狀況，基哥表示，王青霞自稱與丈夫已分開十七八年且無聯絡。「我哋早年於美國相識，之後喺香港撞返，跟着相戀，不過因為我當時有家庭而分開，但2018年在美國重遇後愛火重燃，佢跟我返香港，我都以為會應該會有好結局。」被問女方未離婚仍交往是否被騙，他坦言：「佢呃我係因唔想離開我。」女方曾稱會辦離婚但一直拖延，後來雙方平靜分開：「知道人哋有老公仲來往係唔道德，若佢真離咗婚，我唔反對再開始，但大前提一定要單身。」基哥自爆王青霞的丈夫及兒子一直知情，因為我們好高調生活，怎會不知道？由此可知，她和老公的感情早已跌到冰點。

不認是被情騙的基哥，被問到可有被呃錢？基哥強調對方非貪他的錢，「大家一起生活時，他我只放低一萬幾千『買餸錢』，連買個包（手袋）都沒有，包包都係佢自己買。」問他可懷疑過對方曾生育？基哥承認都有，但自己不敢問：「愛係盲目，驚問咗就收場。」直到消息曝光，他才「如夢初醒」。

談到跟王青霞現時可有再聯絡？基哥暗示對方間中仍有聯絡他：「佢都關心我，見我瘦咗叫我保重身體。」問到是否仍然愛對方？基哥嘆氣道：「人點點會忽然間唔愛呢？（仲當佢係豬豬？）有喇，不過𠵱 家佢係人哋嘅豬豬，我係豬，李龍豬呀！」被問會否另尋新歡，他笑說：「世事多變，此時此刻我唔會，但聽日我唔知，叠埋心水放飛機最解壓啦。」