笑言「篤」宣萱懲忘詞　古仔嚴選劇本見證成長

香港文匯報訊（記者 子棠） 古天樂（古仔）、宣萱，林峯，朱鑑然日前接受HOY王凌燕訪問，暢談拍攝電影《尋秦記》的點滴。

古仔指當年拍完劇集後已想開拍電影版，電影劇本經過千挑萬選，希望喚起觀眾回憶：「我覺得如果我哋戲外成長咗再拍會好啲。」林峯指需重新理解角色，因角色的成長時間與真人同步。新加入的朱鑑然稱能參與感有趣，讚劇集版震撼。宣萱秒答應參演，但坦言拍攝時氣氛較凝重，因古仔身兼老闆統管一切，唔可以再玩到好癲，需「睇眉頭眼壓」。

電影收錄電視劇花絮，其中古仔點宣萱穴一幕令人爆笑。古仔解釋：「NG片我好大力篤佢，因為佢成日唔記得對白，我咪篤吓佢，睇佢暈咗未，我話『你呆咗呀！醒啦喂！』」宣萱即反駁：「我唔係成日唔記得對白，有時啦！古裝弱啲。」而當年電視劇是林峯第一套古裝劇，他也說好大鑊：「因為角色成長跨度好大，我哋又唔係順序拍，第一次拍古裝頭都大，一得閒就同所有前輩請教。」

古仔與宣萱的友情源於《餐餐有宋家》，而《尋秦記》是古仔離開電視台前最後一部劇，他笑說：「我之後都冇拍電視劇，因為友情結束咗。」宣萱自言與古仔性格相反；古仔笑謂：「以前拍戲仲離譜，佢1分鐘都唔可以停口，除咗拍對白，𠵱家好啲，可以去到2分鐘，不停講嘢。」宣萱反駁：「我對着你才係咁，我好怕冷場。（熟到古仔可以NG時作狀吻你？）玩咋嘛，好熟就可以，我又玩得佢又玩得。」

古仔表示拍攝經過重重困難：「第一要咁多演員齊集，第二係拍攝時好多天災，例如水浸、三年疫情，中間有好多事發生。但係我最開心嘅係無阻一班觀眾嘅熱情，對呢部戲嘅期待，因為好難得有一部劇係廿幾年前播，但大家仲好期待電影版。」