超萌Sanrio香港冬日三重驚喜！又食又玩打卡全攻略

可愛度滿分的Sanrio characters最近在港活動多多，掀起一眾粉絲的打卡熱潮。其中，海洋公園有6大Sanrio卡通角色帶來互動遊戲和見面會，與你展開一場「蔚藍海洋之旅」。另外，中環最近新開的六層高Sanrio Gift Gate人潮逼爆，還有Häagen-Dazs打造Sanrio人氣角色派對雪糕蛋糕及甜品杯。今個冬日，Sanrio 粉絲們盡情又食又玩！

海園探險 神奇體驗

人氣Sanrio 角色登陸海洋公園，帶你展開神秘的海底探險。人見人愛的Hello Kitty、Cinnamoroll、My Melody、Kuromi、Pompompurin和Hangyodon已坐上潛艇勇闖海底世界，遍布全園的18個互動遊戲，帶你解鎖神奇體驗，觀眾還可到夢幻水都人工湖舞台、海濱樂園廣場、海洋列車站等打卡位，和喜愛角色的主題裝置盡情打卡。

鍾意My Melody與Kuromi的粉絲要留意啦，這兩位好朋友會於高峰樂園首度公開私人扮靚空間，等你一秒走進充滿Y2K風格的幻彩世界。「My Melody & Kuromi」派對屋由粉色和紫色主題的梳妝枱、復古電視機到可愛的角色造型梳化，處處都是打卡一流的驚喜彩蛋，少女心爆燈！為答謝粉絲支持，各位Sanrio 角色更會驚喜現身海濱樂園和高峰樂園，以可愛的經典造型與大家近距離見面。

粉絲們更可以入手海洋公園與Sanrio聯乘的「蔚藍海洋之旅」系列精品。必買推介有海洋探索造型的8吋毛絨公仔，另有4吋毛絨公仔匙扣版本，配上角色的代表圖案飾牌，等你掛住開心出走。另外有齊6位Sanrio角色的環保袋、化妝袋、磁石貼和不銹鋼保溫杯亦同步推出，總有一款合你心意。一家大細都啱着的別注版成人和小童T恤，備有彩色和純色印花設計，親子出遊必備。

海洋公園 x Sanrio characters「蔚藍海洋之旅」

時間：即日起至2026年8月23日

中環旗艦店 人氣逼爆

足足有六層樓高的超夢幻Sanrio Gift Gate旗艦店，最近剛在中環開幕就人氣逼爆。新店以「蘋果」為靈感，入口擁有「五個蘋果高度」的Hello Kitty標誌，結合角色元素打造夢幻Sanrio世界。其中G/F至1/F的Sanrio Gift Gate常駐店，集合多款人氣角色商品，連最新的薑餅人系列都有。至於其他樓層是多個玩具精品品牌的快閃店，由 C.T.A. by Gok Sik 主理。其中，2/F有「麵包超人照相館✕期間限定店」，場內發售多款全新麵包超人商品，也有主題打卡位。指定日期設專業攝影服務，為你即場影低靚靚相片。麵包超人與細菌人見面會將於明年1月18日及25日與大家見面。各位玩具迷不妨來這裏逛街尋寶！

Sanrio Gift Gate & C.T. A. by GOK SIK

地址：中環威靈頓街30號

營業時間：11:00至21:00

Häagen-Dazs甜品 冬日驚喜

除了遊園購物，Häagen-Dazs為Sanrio粉絲們送上冬日限定甜品驚喜，打造人氣角色派對雪糕蛋糕及甜品杯。My Melody、Cinnamoroll、Hangyodon及Kuromi 4大角色雪糕蛋糕，每款均融合三種人氣雪糕口味，打造層次豐富的味覺享受。四合一設計配上夢幻粉彩色系，貼心照顧各種分享時刻，一同感受甜蜜滋味與歡樂氛圍。另外，限定甜品杯以 Häagen-Dazs絲滑雪糕，搭配香甜果粒、可口餅乾、奶凍與脆片，打造出四款層次豐富、口感多變的甜品組合，兼具視覺享受。凡購買甜品杯即附可重用的限量杯套，萌度爆錶的角色設計，瞬間融化你的心。

（來源：《香港仔》2026年1月5日P5）