圍訪▎《逆轉上半場》聖誕上映 梁詠琪陳湛文做開明父母

梁詠琪（Gigi）與陳湛文主演的勵志電影《逆轉上半場》於聖誕節期間上映，二人近日為電影接受訪問。影片以足球比喻人生，講述幾位主角如何從谷底反彈，克服逆境追逐夢想的故事，適合一家大細入場睇。

Gigi表示因老公的妹妹最近誕下B女，所以聖誕節期間會陪老公返西班牙，宣傳工作就要靠陳湛文，不過之前影片上映優先場口碑很好， 所以起程前她都做了幾場謝票。Gigi稱老公和女兒零障礙睇戲，都大讚好睇，笑言自己是「潮媽」， 學跳女團舞冧囡囡。陳湛文搞笑指電影可以衝出香港，又指太太與4歲女兒睇完後都讚好睇。

兩人都認為做父母要追上潮流，Gigi笑指經常被女兒「更新」資訊：「因為個女鍾意唱韓文K-pop，會告訴我𠵱家韓國有啲咩韓團。我覺得好明顯佢嘅興趣就係唱歌，加上鍾意跳舞，有學跳K-pop，咁我都要跟上潮流，咪學幾招玩下咁囉，滿足下個女。」問到可會鼓勵女兒去追夢？Gigi認為做父母最重要的是給機會讓子女去嘗試：「佢想試吓乜嘢都畀佢試，呢方面我都幾開放，讓佢自由選擇。至於話追夢？我都會同佢解釋，將來能否將唱歌跳舞發展為職業，其實好睇緣分同個時代，所以我覺得唔需要想太多，只要享受現在想做嘅事。」陳湛文亦很認同Gigi的看法，不過現在女兒尚小，未需要迫切去想這個問題。

●採、攝：香港文匯報記者 梁靜儀

梁詠琪 化妝：Circle Cheung （ndnco.co）髮型：Sam Lo @Orient4 & Victoria Wong @Orient4

陳湛文 服裝：CLUB MONACO 妝髮： Rachel Mok @ Lisa C. Makeup Art

場地： Lubuds Group, FWD House 1881