親剪臍帶迎愛女出世 方力申目標最少生三個

香港文匯報訊（記者 阿祖）方力申（小方）與女友葉萱（Maple）於今年情人節在美國結婚，父親節當天宣布太太懷孕，到昨日小方再公布喜訊，愛女Isla早產數天，母女平安。

小方於社交平台分享陪着太太由收拾好「走佬袋」入院準備到太太整個生產過程的片段，小方指太太待產時心情緊張得如坐過山車，到入產房他全程陪伴，太太努力生產表現出辛苦狀況，他就手挽手又輕撫太太的頭示意她加油，直至女兒順利出世，作為爸爸的他為愛女親手剪臍帶，片段中還有一家三口幸福溫馨合照，也有BB睜開眼睛的可愛模樣，更有小方頭髮蓬鬆、光着上半身「skin to skin」緊抱愛女的照片，盡顯慈父一面。

小方於社交平台報喜留言：「今（昨）日原本係我太太Maple嘅預產期，但係囡囡Isla太心急想見我哋，所以早幾日已經出咗世喇。醫生有幫Maple打咗支佢話都唔算好痛嘅無痛分娩針，令到佢生產非常順利。Isla出世嘅時候有少少發燒，醫生叫我哋唔使擔心，並即刻幫Isla處理，當晚佢已經退燒。Isla出世到今日，個樣日日都喺度變，前日似我，噚日似我，然後今日竟然似阿媽，但之後又似番我，真係太神奇。2025年對我同Maple嚟講真係太特別，整個經歷，由結婚後Maple話可以生四個，到懷孕期間太辛苦佢就話最多生兩個，然後𠵱家Isla出世之後，過程得到咁多support，佢就話可以生住三個先。嘻嘻，多謝晒，第四個等我遲啲再爭取，我哋一兩年後再見！」而Maple與囡囡Isla已經出院，一家三口更已經拍攝全家福，看來小方跟Maple已做好準備，迎接家中新成員。