雙雙入圍主持及飛躍獎 曾展望葉蒨文情侶互投

香港文匯報訊（記者 梁靜儀）曾展望（GM）與女友葉蒨文（Sophie）憑戀綜《女神配對計劃》人氣急升，二人亦分別獲提名「最佳男主持」及「飛躍進步男藝員」獎、「最佳女主持」及「飛躍進步女藝員」。問到是否想情侶檔攞獎？Sophie揚言表示一定會投男友一票，因他各方面都有進步，希望大家多多支持他。

GM即向女友大笠高帽說：「佢嘅進步就唔使我講，大家都知，不過佢本身都咁叻，再進步真係好難，所以唔投佢都唔知投邊個。（最想一齊攞邊個獎？）攞晒啦，如果我話唔想攞都係呃大家！」二人不諱言想得獎，但會平常心面對，Sophie笑說：「盡力而為、聽天由命！」問到他們會否效法張振朗以利誘大家投票？GM表示會再拍多些好作品回饋大家。至於二人若齊齊獲獎，會否在台上咀嘴？GM說：「 台上做唔係咁好，頒獎禮咁神聖。」Sophie就提議可齊齊錫獎座。