看到「艇王」兩字你想起什麼？艇仔粥？避風塘？冇錯它就是希望你諗起去避風塘食海鮮。
最近剛啟業的中式餐廳「艇王」位於灣仔船街，主打避風塘海鮮、鑊氣小炒與煲仔菜。
這晚去到觀察，餐廳設計揉合海港與懷舊元素，裝潢帶點懷舊漁港風，燈光溫暖，坐得舒服。
聽到不少客人講普通話的，他們都係衝着避風塘海鮮的味道而來，幾乎人枱都叫一味「避風塘炒辣蟹」，鮮味撲鼻，以蒜香、辣勁與鑊氣交融，口感層次豐富，讓人食慾大開，蟹肉鮮美，辣味十足，非常入味。難怪是經典之作。
還有「胡椒豬肚花甲湯」胡椒和豬肚為主要食材的暖身隹品，暖暖的胡椒加了蛤蜊一起燉煮，一咬煙靭豬肚，感受「濃香暖胃」嘅滋味！
「泥鯭粥」香港特色 ，滾湯熱上枱，食客都話非常鮮甜。
其他菜色有「白灼拼盤」拼盤入面有粉腸、豬脷、豬肚、吊桶同水魷，每一款式清新可口。
「酥炸德國鹹豬手」融合港式炸德國鹹豬手、香脆豬皮肉質咸香，酥炸德國鹹豬手外脆內嫩，油香滿滿。
「黑椒薯仔牛柳粒」一道讓人驚喜的佳品，港式鐵板風味升級版，連薯仔一樣咁好食，牛柳粒口感軟腍，薯仔都有脆邊。
「大漠風沙雞」肉質鮮嫩，香料的使用恰到好處，帶來了異域的風味 ，雞皮薄脆香口，加埋風沙蒜粒黎食鹹香惹味。
「梅菜籠仔蒸菜心苗」賣相非常精緻嘅菜式，梅菜的鮮甜無限提升，加上菜苗翠綠爽口，令層次豐富不少份量足，每樣菜都能重拾港味真章 ，鑊氣夠帶出漁港的風味。
老闆原來請了一批大排檔出身的高手入來。由擁有三十年經驗的行政總廚貴哥主理，他自十九歲入行，擁有超過三十年中菜經驗，曾於多間知名酒樓及海鮮餐廳掌勺。 他以火候見真章、以鑊氣定勝負，堅持「真鮮、真火、真味」三原則，將避風塘精神注入每一道菜。
他們自信地說「艇王」不止是一間餐廳，更讓你回顧灣仔海岸記憶的旅程。從避風塘到船街，從海浪到鑊氣，艇王以傳統為根、創意為翼，讓人嘗出舊香港的味道，也嘗到新的靈魂，連名人都去試，大家不妨試試肯定不會「炸型」。
地址：香港灣仔船街 網頁
記者：祖蓮娜
拍攝：祖蓮娜
剪輯：祖蓮娜、木羽
0
已點過讚
0 / 255