自爆有人追　姚子羚或閃婚

藝人姚子羚、陳曉華及黃子恆等近日現身馬來西亞出席活動，吸引大批市民追星，現場被擠得水洩不通。受訪時子羚被問到好姐妹胡定欣月初毫無預警下閃婚，她坦言亦十分意外，但當然戥對方高興：「都有問過佢會唔會喺香港搞小型婚宴，咁啱胡杏兒都結婚10周年，不如一齊搞啦。」

由胡杏兒、胡定欣、胡蓓蔚、黃智雯、李施嬅及姚子羚組成的「胡說八道會」，姊妹情深厚。現時「胡說八道會」只餘下姚子羚與李施嬅未婚，子羚打趣指自己一向低調，或許日後也會效法定欣的做法，自言目前有追求者的她，又表示會考慮上戀綜節目，感情事採開放態度。

陳曉華想馬來西亞置業

談到李施嬅與前度車崇健於內地參加真人騷《再見愛人5》自揭分手導火線，施嬅似受盡委屈，子羚表示自己還未看過節目，覺得旁觀者也很難作出評價：「分開係兩個人嘅決定，分手亦未必代表唔珍惜對方，只係換個方式相處。」

同場的陳曉華則坦言想趁劇集《金式森林》推出之際，能多出席活動「賺多啲」，問到是否想儲錢於馬來西亞置業時，她爽快回應：「希望我嘅工作多到可以嚟呢度住，香港兩邊跑囉！本來今年都想喺香港買樓，但依然太貴，繼續努力搵吓先啦。」黃子恆則透露下月將復工拍攝新劇《璀璨之城》，屆時將於張智霖及吳卓羲有很多對手戲：「今次角色性格比較複雜，要遊走喺佢兩個之間，少少黑暗、利益在先，都會做錯事㗎。」

（來源：《香港仔》2025年10月23日P16）