（香港文匯報記者 梁靜儀）昨晚（19日）最後一集《家傳之「保」》，主角是胡定欣，及激罕出鏡的胡媽媽。胡定欣走入昔日爸爸媽媽努力打拚的海味舖，體驗二人當年的工作點滴。定欣之前受訪時曾透露，為了遊說胡媽媽上該節目費盡唇舌，而胡媽媽為了阿女最後亦願意「跳出低調框框」上節目，證明了胡媽媽有多疼女兒。
節目中胡媽媽愛女之情隨處可見，當資深店員萬叔向定欣展示胡媽媽當年拍下的「玉手與花膠」特寫時，提及胡媽媽數年前煮的花膠、是價錢高達1萬港元的30年敏魚肚花膠，胡媽媽見到即時回憶返晒嚟：「呢個品種𠵱家已經冇㗎喇，係我珍藏嚟㗎，所以我會整畀定欣食。」對於胡媽媽豪煮1萬港元花膠給自己吃，定欣大感受寵若驚及愕然，並坦言今時今日才知道真相。
節目第二部分，定欣回家探胡媽媽，胡媽媽則準備了愛心花膠湯迎接女兒，定欣因而勾起不少昔日與吃飯有關的回憶：「其實我入咗行之後已經冇同屋企人住，媽咪都會有時問：『我要唔要拎湯畀你啊？』好擔心我唔夠湯水，驚我捱壞身體，花膠湯成為咗佢對我嘅一份愛嘅表示。」定欣續指初入行時，因工作關係，很多時連能否回家吃飯也說不準，她亦趁此向胡媽媽坦言當時的心情其實很愧疚，定欣邊落淚邊說：「我初入行頭十零年，你（胡媽媽）成日問我：『返唔返嚟食飯啊？』我成日都會講：『我唔知啊。』但其實嗰句『唔知』係好愧疚嘅，點解我阿媽成日問親我，我都要話唔得呢？」定欣續指當事業穩定下來後，她有馬上作出平衡，盡量抽時間陪伴家人。
其實這次胡媽媽與定欣上節目，確是共創了不少美好回憶，二人除了大玩「傳承度測試」，又應製作組要求齊齊寫下「十年願望清單」，列出十年內想大家一起完成的事情，以及在鏡頭前，一起見證定欣的成長重要片段，感性的定欣因而想起胡媽媽當年如何將青春獻給這個家：「我媽咪20歲就生我，其實我會諗其實佢都會好想同朋友去玩，但係佢嘅時間就奉獻咗畀家庭……即係我入行時係22歲，30歲時，我就係每一日喺個電視台度拚搏，但你嘅30歲就係為咗家庭拚搏，大家嘅世界唔同，我哋嘅年代亦都唔同。」
另定欣自揭三代都是經營海味店：「自己屋企、太公、爺爺、爸爸、叔叔，三代都係經營海味店，雖然佢哋已經退休冇再做，但係海味店嘅一事一物（都係我嘅童年回憶）呢個元貝送畀你（主持賴彥妤）食吖，都係我嘅童年回憶嚟，細個嗰時，好鍾意叫叔叔喺啲樽度拎元貝畀我當零食。」、「海味舖嘅從業員，佢哋真係一輩子花咗好多心思去經營呢個行業，因為一份情。」
對於定欣與胡媽媽難得合體，網民大為驚喜，大讚胡媽媽So Pretty之餘，又指定欣婚後更靚女、笑容甜美。
0 / 255