《巨塔之後》黃庭鋒飾外科醫生首度登場

（香港文匯報記者 梁靜儀）台慶劇《巨塔之後》，昨晚(13日)黃庭鋒首度登場，飾演精明能幹的年輕肝臟外科醫生張志明。

本身是學霸的庭鋒，原來修讀體育系碩士前，曾修讀了為期九個月的中文大學醫學院公共衞生學系Master，他表示：「當時我覺得既然咁難得可以讀Master，就想試嚇有冇其他出路，然後我就去咗中大醫學院嘅公共衞生學系面試。當時其實我係Full Time喺國際學校教緊體育、Part Time做體育主持，再額外抽時間讀呢個Master。但好記得當年呢科第一個Test已經肥佬咗，跟住我就發覺，喺咁唔夠時間嘅情況下，都係讀返一啲自己最拿手嘅嘢好啲，所以最後就揀返體育學科讀。」

自言向來是醫療劇忠粉的他，對於能夠首演醫生大感興奮:「我一直都好期待做醫生角色， 之前睇《On Call 36小時》同《星空下的仁醫》已經好想做醫生，加上我鍾意睇醫療劇，所以今次都可以話圓夢。」

黃庭鋒今年的劇集成績亦相當不俗，除了在不少劇集中有發揮外、演出的角色亦相當多元，包括《富貴千團》的「老千大學生」、《麻雀樂團》的正氣警察，加上今次演出專業醫生入型入格，獲網友一致讚賞可塑性極高。

另外，劇中飾演宣萱年輕版董一妍的前港姐亞軍兼最上鏡小姐王菲，雖然出場僅得26秒，但學生妹造型的牛仔短褲look獲網民大讚好有少女感。這次亦是王菲繼《刑偵12》飾演青年版陳法蓉後、再度飾演宣萱青年版，故獲封「御用青年版女主角」。