草蜢參與廣州《草莓音樂節》 內地年輕樂迷群起跟唱

香港文匯報訊（記者 子棠）香港組合草蜢前晚在廣州舉行的《2025超級草莓音樂節》擔任第二日表演嘉賓，與20多位樂手和舞者團隊震撼登場，他們稱在台上看着日落的magic hour，與近兩萬觀眾的熱情反應，構成夢幻般畫面，非常感動和難忘。

草蜢甫出場即以連串勁歌熱舞炒熱氣氛，還萬人大合唱《寶貝對不起》；他們還預告明年一月底將再到廣州舉行草蜢《RE : GRASSHOPPER演唱會》；隨後再唱出由蔡一傑作曲的新歌《老的辣》，並以《忘情森巴舞》作壓軸，令全場high爆。

45分鐘爆汗演出後，草蜢大呼「好爽」！蔡一傑說：「我哋好耐無做戶外騷，而且第一次參與《草莓音樂節》，好多後生嘅觀眾都識唱我哋嘅歌，好似做緊草蜢演唱會咁。」蘇志威說：「我哋好鍾意喺音樂節表演，因為可以將草蜢嘅歌帶畀不同年齡層嘅樂迷。」蔡一智說：「黃昏時候做戶外騷，觀眾望上舞台見到好靚嘅燈光，我哋望住觀眾加上黃昏日落magic hour嘅畫面好靚，好特別嘅彩蛋！」

出道40年，蔡一傑表示最難忘出道第6年的歌迷會成立日戶外演出：「當日傾盆大雨，周圍水浸，我哋決定繼續開騷，我哋汗水同雨水融合又唱又跳，好難忘。」而蔡一智和蘇志威表示最難忘是2021年，為紀念師父梅艷芳，在渡輪上舉行的迷你音樂會。蘇志威說：「當日喺海上由日頭唱到夜晚，又係magic hour，晚上維港景色，好難忘。」

今年中秋節期間，草蜢將身在武漢演出，蔡一智說：「好開心，中秋節同成班親密戰友一齊表演和賞月，係最好嘅節目。」蘇志威說：「Dancers同埋Band都係草蜢團隊大家庭，可以喺中秋節同佢哋一齊演出係我哋嘅榮幸。」蔡一傑更發起「交換月餅」遊戲，期待抽中特別款式的月餅，蘇志威揚言會帶埋囡囡Yumi出品的月餅應節。