雲浩影快閃鬧市做「樹窿」 設電話亭聆聽歌迷心事

香港文匯報訊（記者 梁靜儀）雲浩影（Cloud）日前為宣傳新歌《你的損失》，在銅鑼灣行人專用區，設了一個紅色懷舊電話亭，她化身「心事聆聽專員」，透過電話專線聆聽「迷雲黨」（Cloud歌迷暱稱）的心事，並寫下專屬密語在小卡上，為對方打打氣。

Cloud自言並非專業感情專家，最擅長解答青春期煩惱：「今日喺度聽啲朋友仔傾訴，聽吓佢哋嘅煩惱，係『心事台』。有啲係愛情煩惱、父母想知點樣同子女相處？關於友情啦，例如就嚟畢業，友情點樣維繫？亦有講暗戀、情侶間相處等等⋯⋯聽到好多唔同嘅故事。」細心聆聽每一位的Cloud，亦有給予意見，不過就戴返個頭盔，她說：「我都鍾意畀意見，因為好多人問我嘢，都係想知我嘅角度點睇，畀完意見我都會戴返個頭盔，始終情況真󠄉實係點，只有你自己知，我嘅意見只用作參考。」

至於她自己的「樹窿」就是經理人：「我喺佢哋身上學到好多諗嘢嘅方法，有時只要轉一轉念，就可能成件事唔同咗。」之前宣傳另一首歌曲時，在行人專用區沉浸式睇書，今次講電話，Cloud笑言下次想嘗試在鬧市中間睡覺、煮飯、開餐等「生活化」的行為。