麥家琪自爆在家是「隱形生物」 想再拍劇引關注

香港文匯報訊（記者 阿祖）久違幕前的麥家琪在HOY TV首部原創劇《我愛九龍城》中飾演岑麗香媽媽，既有懷舊艷麗造型，又要犧牲靚樣化老妝，她卻直言不夠喉：「鍾意我嘅朋友應該同HOY TV反映吓，快啲開前傳就好啦！我成日唔返屋企，仔女問我去邊，我就可以講『我現在拍緊戲，你快啲睇』，可能佢哋會多啲留意我，我喺屋企係隱形生物！我成日出咗去做嘢，但有時會喺屋企陪佢哋，最細個女都13歲，加上返學好忙，自己忙自己嘢。先生冇同我講有冇睇我演出，我諗爸爸媽媽老爺奶奶，親戚朋友有睇。」她又指演出是一個和香港觀眾很久不見的見面禮，希望勾起港人對她的回憶。

家琪婚後相夫教子，將演藝事業暫緩，回顧入行三十多年的心路歷程，拍戲多年最開心的事是遇到好多不同的明星，可以跟大明星合作。而她在電台節目受訪時，主持人給她選古天樂或金城武，她笑說：「我揀咗古天樂。因為金城武唔講廣東話，我冇嘢同佢傾。」