香港文匯報訊（記者 子棠）盧慧敏（Amy）今年決戰樂壇，繼《Red Flag》和《白牆》之後，新歌《綠縈》MV昨日上架，成為顏色系列第三擊。新歌擊中Amy內心深處，所以她決定參與MV拍攝創作團隊，更自組三人mini crew遠赴日本長野取景：「我好鍾意歌詞和旋律，亦好開心同好好嘅團隊合作，多謝公司畀我自己去拍呢一個MV。拍攝團隊方面，有一個我嘅好朋友，佢帶埋佢好朋友，加埋我就組成呢個mini crew，然後去到日本長野拍攝MV。」
為了拍攝MV，Amy穿過繁華的城市，走到綠油油的山嶺，乘火車遊覽風景，欣賞燦爛煙花。她認為今次拍攝最困難，並非因為人手短缺：「因為啲地方太靚，好難去揀喺邊個地方拍。」MV中的Amy跟平時在時裝界的華麗打扮截然不同，她穿着大地色的Tee恤短褲、運動鞋、孭起背囊，手執攝影機，蹲在大石頭上、河流邊、隨性地坐在地上，還在草原木和山坡上奔跑，蝴蝶降落在她的掌心，非常寫意。Amy表示雖然今次MV沒有特別的故事背景，但透過鏡頭表達她的小小心願：「希望大家鍾意呢一個MV，其實冇乜故事可言，純粹係人生其中一個旅程，其中一段路仔嘅紀錄，我希望呢首歌同埋MV，陪大家走過人生嘅一段路仔，裏面嘅一個小小章節。」
0 / 255