香港文匯報訊（記者 梁靜儀）林家謙昨晚在紅館舉行第六場《White Summer 演唱會》，請來楊千嬅當嘉賓，帶來了《余春嬌》、《小飛俠》及《再見二丁目》。
嘉賓環節，家謙在台上多謝千嬅，並坦言非常開心請到音樂上有淵源的朋友做嘉賓：「其實我想請一啲係我音樂上都很有淵源嘅朋友嚟，你係其中一位，好早時候，你已經係其中一位肯去用我嘅作品，多謝你。」千嬅笑答：「你寫得好嘛。」家謙說：「唔係㗎，就算寫得好都未必咁容易被人見到，咁所以多謝你當年用咗呢首歌。」
千嬅坦言昨晚是第一次同家謙見面，嚴格來說之前兩人是網友，《余春嬌》這首歌是她演員的生涯中，一個很重要的紀錄，一個里程碑：「余春嬌是帶給我很多演出上的肯定，我亦很有緣分，可以得到你的曲，做咗呢隻用戲名裡面角色名的一首歌，所以我要多謝你先啱。」
家謙又再道出想請千嬅的第二原因：「適逢我今日音樂總監，當年同你有首合唱歌，佢係蔡德才（Jason）。」千嬅開心道：「係，Jason，好開心呀，今日來rehearsal的時候見到已經好開心。」家謙說：「我覺得呢個真係一個好好嘅Re-U（重聚）。」繼而兩人走到Jason面前，坐於舞台上，由Jason彈琴，三人再獻上《小飛俠》，現場不少觀眾也被感動不已。
評論