香港文匯報訊（記者 子棠）林家謙昨晚（24日）舉行的第五場《White Summer》演唱會，邀得莫文蔚（Karen）特意從意大利飛返香港擔任表演嘉賓，二人不僅合唱經典金曲，更在台上幽默互動，逗得全場笑聲不斷。

林家謙握機會請莫文蔚於唱片上簽名。 主辦方供圖

Karen出場時，林家謙難掩興奮之情，感謝Karen專誠從意大利飛回港。Karen表示：「我好開心，多謝你邀請我。上次我哋合作已經五六年前，疫情期間，所以今次你叫我，我點都要飛返嚟支持你。」家謙在台上分享指Karen的音樂是他成長時期的重要養分，更透露童年時因哥哥經常於房間播放Karen的歌曲，甚至「半夢半醒都聽緊莫文蔚」；Karen則風趣回應：「唔怪得你音樂咁出色！」

家謙又提到六歲時第一次見到Karen的《全身莫文蔚》專輯封面時感到非常好奇：「個陣細個，會諗究竟係衫定係布？定係身體？細個未上堂，唔知係咩嚟嘅。」隨即引發全場爆笑。他更即場拿出實體碟展示：「其實我帶咗來，可唔可以畀大家睇？你會唔會尷尬？」Karen大方說：「15歲以上可以睇㗎！你91年出世，隻碟係96、97年推出，咁細個點解會聽呢隻碟，屋企人又肯畀你買嘅？真係識貨。」繼而Karen對觀眾說：「裏面的歌，其實好正，係好嘢來，雖然你哋嗰陣可能未出世。」家謙突然笑指有意下一張專輯效仿，Karen大笑稱如果真的會購買支持；輪到家謙笑謂：「你咁重口味，唔好啦？」家謙也把握機會請Karen 於唱片上簽名，更緊張叫Karen：「你唔好簽落個身體！」笑到全場碌地，還被觀眾笑他「自肥」。

其後，林家謙表示接下來要唱的是他童年時期的「洗腦歌」，正是Karen的經典作品《冷雨》。他透露因哥哥是DJ，家中播放這首歌「不下幾千次」，更稱其為「我家的至尊歌」。二人隨即合唱這首經典，讓觀眾聽得如痴如醉。此外，陳奕迅和容祖兒亦欣賞家謙的演唱會，更結伴於後台與家謙合照。