香港文匯報訊（記者 阿祖）唱作歌手張天穎（Jaime）剛度過生日，並舉行了首次個人演唱會《張天穎 本故事不純屬虛構 演唱會2025》，是次特別安排全場企位，及VVIP觀賞綵排環節，忠粉們為爭取最前靚位不惜中午看完綵排後，便開始等候及排隊入場，誓要跟Jaime一齊慶祝生日enjoy全晚。Jaime笑言：「呢幾個月一直全心投入準備演出，直到開騷前晚收到好多短訊才記得自己生日！」
演唱會上唱《小孩》時，Jaime驚喜現身觀眾群，其間更突然哽咽，她笑言：「我喊住唱歌好難聽呀！原來當大家好配合坐晒地下圍住我，呢種能量原來可以係咁大，加上突然見到爸爸揮着熒光棒支持我，眼淚就忍唔住啦。」
嘉賓方面，Jaime請來這個企劃有份參與過「幾粒音」的歌手好友張蔓莎、Boris及TIAB（翁梓浩），當然不少得Beanies好姊妹陳樂頤（阿左）及李凱翹（Kay）。兩人分別準備了手寫信及神秘禮物送給Jaime，但Kay一開口讀信到第三句已經眼濕濕：「我寫嘅時候笑住寫㗎嘛！」而阿左就一邊讀一邊叫Jaime：「唔好望我啦，好驚你喊呀！」結果自己都忍不住。之後阿左更送上親手織的「兩粒音比堅尼」，笑稱：「我織咗兩粒音畀你！我着過OK㗎！我用咗兩晚時間織咗呢『兩粒音』比堅尼，咁第三粒音喺邊呢？就等你下次開一個大啲嘅騷，我再織大啲畀你。」Jaime笑到彎腰：「聽日我遊船河喎！」而Kay則送上一隻「沖涼鴨仔」，神來一句爛gag：「你生日就送隻duck畀你，幫你生日『積音duck』！」全場即刻笑到肚痛！隨後Jaime父母及細佬推出蛋糕，全場fans舉起手幅手燈合唱生日歌，Jaime感動到傻：「多謝大家畀我呢個surprise畫面，由唱翻唱歌放YouTube到第一次真正開到演唱會，係畢生難忘的回憶！」
評論