香港文匯報訊（記者 阿祖）吳浩康（Deep）早前與音樂人兼好兄弟陳思捷（Cedric）隨宣明會到非洲烏干達五天探訪交流，傳遞「只要在乎，就有希望」的訊息。Deep表示曾探訪當地難民營及難民收容中心外，與當地年輕畫家畫壁畫、與年輕舞者跳舞，又與青少年音樂團體jam歌演唱。而他被單親媽媽Rose照顧擔任寄養小朋友家庭的故事觸動：「一個面對國家動盪面臨生死要逃難，卻被丈夫拋棄嘅女性帶着十個小朋友，四個係親生，其他係親戚同寄養，當中更有三個存有殘障嘅問題。一個被嫌棄嘅人，冇嫌棄其他人，自己都未餵得飽，仲要餵十個細路仔，嗰個愛好大。」所以Deep也開始反省，覺得在都市生活的我們，對家人要更多包容。
Deep有感而發表示難民無法去選擇，而他自己想做的事情，其實也沒太大信心和把握，只一股傻勁去做，做到有成果為止，但他不想給壓力去評價自己：「總之當刻對我有意義嘅事就去做，就算未必做到心裏面想嘅，但始終有日會做到。」他又指近年得到大家的欣賞與嘉許，其實是受之有愧，因他自問只是個普通中年男人，獲嘉許會開心，但實在有太多人比自己做得更好。Deep透露完成探訪回家，看到兒子便衝過去抱抱：「係好開心，但係又証明咗，我掛住老婆多過個仔。我都唔知點解，可能識佢耐啲，會諗佢一個人喺香港頂住，都吃力㗎。起碼平日我都可以幫手做啲簡單嘢，但係佢連呢個喘息都冇，所以都好多謝佢。」
Deep於探訪後帶來創作靈感，有兩首歌希望9月尾音樂會前錄音，又會與樂隊Closer準備自資出歌。另外他亦受難民營兩位義教畫畫的老師啟發，計劃義教幫助有需要的基層人士學習唱歌。
評論