香港文匯報訊（記者 子棠）謝霆鋒《Evolution Nic Live進化演唱會》內地巡演首站於8月9日及10日假杭州奧體中心體育場（綽號「大蓮花」）舉行，全場近5萬個座位爆滿。當大家以為是將香港的原裝舞台搬到杭州，霆鋒說：「錯晒！呢個舞台同香港嘅係兩個舞台，今次為大蓮花重新做咗一個進化舞台，我都服咗自己！」
霆鋒解釋說，因香港站是室內演出，當初所有機關包括懸浮波、拱門及地面軌道等完全沒有考慮風雨問題，「所以好多裝置都有改動，今次就等於係一個完全新嘅舞台，我都覺得自己有啲過份！今次的場館是露天設計，如果遇上落雨，自己濕身無所謂，但樂手、樂器唔淋得，所以我哋做咗個新嘅頂篷，但成塊黑色又好難睇，結果又加多幾百盞燈！」香港站破紀錄用了二千二百盞燈，這次杭州站再加碼，他尷尬表示，「現在加到我都唔想睇呢個budget（預算）。」霆鋒透露過去半年不停整改工程，由機械承重到軌道防風雨，全部重新計過。被問到這個巡演的最大挑戰是什麼？霆鋒望一眼天空道：「天氣，大自然因素。」
除了舞台燒錢外，鋒迷應援都大陣仗。有粉絲包起杭州地鐵「應援牆」及月台幕牆，牆身不僅印上霆鋒的型仔相，又將他的經典歌名及歌詞印上，不過最瘋狂的是有粉絲租用直升機於錢塘江上空播歌兼拉橫額，整個杭州抬頭就見到，認真揼本。
另外，演唱會上還有勁感人環節，當晚播出霆鋒十三年來主理的節目《鋒味》精彩片段，張曼玉、楊紫瓊、甄子丹、周杰倫、陳奕迅、蕭敬騰、吳彥祖、舒淇、蔡依林、Twins等巨星輪流「登場」。片段播完後，霆鋒向熒幕鞠躬致敬，「我每次轉身睇片都差啲忍唔住（喊）。過去十二年，由2013年開始，有咁多厲害嘅朋友陪住我，造就咗呢條片。我諗再過一百年都好難再聚齊咁多人，真係好多謝你哋！」霆鋒又謂，「我用咗十三年製作呢個作品，一睇到個畫面就想喊！頭五年個個話我黐咗線『做乜走去煮飯？做乜拍啲咁嘅嘢？做乜去旅遊？』，現在就畀你睇吓我做啲乜嘢。」霆鋒坦言每次講起都會「起雞皮」。
評論