輝哥早前在訪問中透露，在拍攝紙紮舖的戲時，他將兩個紙紮公仔當成已故的太太和兒子。拍完這場戲後，他和導演各自走出去痛哭。最初，輝哥以為是因為這場戲拍得很好，導演才那麼投入，但後來才知對方因家事感觸，彭發承認當時自己正陷苦難中：「的確係，我想講一樣嘢，好多人話演員經歷一個情感係最好有真實個人體驗，我拍呢套戲特別呢場戲，導演都需要經歷唔同處境、唔同事情，處理方法都不一樣，咁啱好多嘢砌砌埋埋，砌咗場戲出嚟，原來係要有嗰moment先諗到有咁嘅一場戲同咁樣去處理，對我嚟講都係一個好意外嘅體會，原來世間上好多嘢都係最好嘅安排。」身兼編劇的彭發亦表示這場戲一早寫在劇本當中，就是有自己的經歷才寫得出來，這不單對演員，對導演也很重要。被問到怎樣引起他寫這場傷感的劇？他靜默了一會才說：「我唔講啦，都過去咗，活在當下啦！」至於輝哥更提到彭發曾對他說這部是其「遺作」，彭發表示這部戲是2023年11月拍攝：「當時太太正患病中，一個人病自然會諗到生離死別，心情係覺得仲有冇機會，嗰一刻嗰場戲係寫呢一樣嘢，有當日經歷的處境才寫到呢一場戲。」問他現在還有沒有「遺作」之想法？他說：「冇啦，我仲喺度，仲籌備另一部玄幻題材的戲，其實當時都有一個想法係作為一個導演睇到現在的電影市場，都係拍得一部得一部，每次當係最後一部，以『遺作』的態度去處理一件事，並非自己想唔開！」
彭氏兄弟繼《逃出生天》後尚未再有合作，彭發表示其實有片商接洽他們，他相信市場上都期待他跟哥哥彭順再度合作拍戲，他們兩兄弟也期待，但仍要視乎電影題材和項目才作決定。
服裝：Harvey Nichols
化妝：King Yip
髮型：Lupus Chui
場地：香港麗晶酒店 Regent hotel
評論