香港文匯報訊（記者 阿祖）鍾嘉欣（Linda）與網上數學教育平台簽約成為代言人，日前拍攝廣告時與一群小朋友互動融洽，更被孩子們親暱稱呼為「嘉欣BB」，哄得嘉欣「四萬咁口」，甜到入心。嘉欣分享拍廣告趣事，她坦言曾於《星空下的仁醫》與小朋友合作，認為只要給予足夠安全感，小朋友就會好聽話，她說：「好鍾意同小朋友拍嘢，因為佢哋嘅好奇心同簡單思想令到我好開心，一啲都唔覺得辛苦。」
跟大班小朋友合作，在工作過程中會否掛念三個仔女？嘉欣直言：「無時無刻都掛住！當成日見面嘅時候會想有私人時間，但係一唔見面就會好掛住佢哋。」問到現實中的嘉欣在子女面前是什麼角色？她自曝曾因社會風氣影響險些成為「怪獸家長」，現學會提醒自己要隨緣：「科技發達好易見到其他家長做咩，我會想跟從，所以成日提醒自己教育要適合孩子，而非盲目跟風。」嘉欣提到，除了重視三子女學業外，也希望培養他們的人品。
嘉欣育有大女Kelly、二仔Jared、孻女Anika，問到三子女最難應付的地方，嘉欣形容Kelly最乖巧、二仔經常愛找捷徑、孻女最聰明，在家姐哥哥影響之下，孻女性格越來越狂野不怕羞：「有時仲大膽得滯！」另外，原來嘉欣最想仔女學粵語：「大女同二仔都好抗拒學粵語，不過家姐拍完廣告後對中文產生興趣，日日有講，反而二仔仲係好抗拒。」嘉欣坦言後悔沒有在成長過程中百分百用粵語與大女及二仔交流，所以孻女出世後，嘉欣決定一直跟她講粵語，所以孻女識講中文，令嘉欣沒有白費一番苦心。
嘉欣再分享育兒趣事，她稱湊細路時，最崩潰的是三個仔女一齊叫喚她。在加拿大的時候，嘉欣要自己打點生活大小事，非常忙碌，另一件最辛苦的事是小朋友生病，使她十分頭痛：「屋企一個小朋友病，之後三個小朋友都病，再感染埋家長，我病住仲要照顧小朋友，係最崩潰嘅時候。」
評論