冼靖峰澄清與關楓馨只是朋友。 梁靜儀 攝

香港文匯報訊（記者 梁靜儀）薛家燕與羅天宇、洗靖峰、關楓馨、何沛珈及黃美棋今日出席節目《玩轉粵東粵北懶人包》記者會。

冼靖峰對於被劇組拍下他在節目中連吃11件雞，他解釋因為有做健身，見到雞胸肉就特別興奮。他坦言今次拍攝該節目後胖了十幾磅，但他感到很幸福。回港後他就去健身，但做了大約十分鐘就頭暈，幸好用了一個月時間變回去之前的體重。

近日關楓馨與前港隊欖球員徐灝晴被拍到抽煙談心，報道又指關楓馨被冼靖峰力追，冼靖峰澄清與女方只是朋友：「新聞出來嘅時候，剛好我哋拍攝呢個節目，（有冇追她？）當然唔係啦，上次已講咗，邊配得起佢呢，（因她已有男友？）唔係，我都識佢男朋友，我認識佢時已經知，大家當係個笑話。」。關楓馨則透露目前的感情生活開心，與男友拍拖一年，雙方已見過父母。問其父母對男友可滿意？她笑說：「爸爸媽媽話我開心就可以，都已經咁大個女，我都有見過對方家長，（何時結婚？）順其自然，唔好咁快講呢啲，有啲人可能一個月就結婚，有啲人十年至會結婚，都係睇大家適唔適合，結婚唔係玩玩吓。」

對於被拍到吸煙，她尷尬地說：「我覺得多謝大家關心我，都係講返開心嘅，現在工作開心，感情開心，希望大家focus返呢啲嘢。」當再問到會否少抽一點？她才說：「其實本身都係因為嗰排有少少壓力，我通常都唔會嘅，所以都係講返開心事。」

另外，何沛珈表示原本帶了3套泳衣前往拍節目，但最後都用不着，唯有回港後找妹妹幫她操刀拍輯泳衣相補數。問到為何不找男友揸機？她指因為妹妹的攝影技術幾好。她表示此行發現家燕姐很可愛，有時見到她用一些新奇的產品，就叫她幫手上網代購。