香港文匯報訊（記者 梁靜儀）無綫全新歌唱大賽《聲秀》前晚首播，第一集最吸睛的是演唱泳兒的《溝渠暢泳》的「六燈選手」林潔心（Bibi），六名導師當中，譚耀文及劉浩龍更出動「皇牌紅燈」搶人，結果由搶先一步的劉浩龍勝出。按紅燈的譚耀文坦言海選時已很欣賞Bibi：「因為你好有爆發力，知道你再落去仲有好多好多變化可以畀大家睇到，我鍾意你唱歌嘅tone。」同樣亮出紅燈的劉浩龍：「頭先佢一出嚟，一唱第一句，大家都……（邊說邊做出傾前動作），證明好入心，所以我要搶。」
另一焦點就落在演唱《到此為止 》的林錦興（小林）身上，他的爆發力驚人，吳浩康甚至於小林只唱了兩句的時候，便亮出黃燈！對於很多人直指同任地盤工作的小林是「細Deep」，吳浩康自己亦笑言：「直情係失散咗嘅仔。」並形容小林為一匹野馬：「我睇佢海選時，已畀佢唱歌嘅energy吸引咗，因為力量型嘅演唱我相信都會係（我）自己比較常用嘅方法。」眼見「兩父子」如此投契，同樣有按燈的胡鴻鈞宣布放棄爭人：「我覺得好似阻住你咁。」
至於獻唱《為何他會離開你》的徐惠晴（Vanessa）由於表現稍有失準，她唱畢後自責爆喊。
被視為「顏值擔當」之一的胡港豐（Andrew），則因誠懇態度獲導師譚耀文賞識：「鍾意就鍾意，我覺得佢好誠懇。」阿譚更直指覺得Andrew可以有更多變化：「佢音域好闊，仲有好多power喺裏面。」
文雅姿（Xylia）及陳芷晴（Isabelle）跌入危險區。為追音樂夢自費去音樂學院學音樂的Xylia，得悉要跌入危險區一刻相當自責，更邊喊邊跑往後台，獲導師鍾舒漫暖心衝入後台擁抱安慰。
評論