香港文匯報訊（記者 梁靜儀）TVB新劇《麻雀樂團》昨日於將軍澳電視廣播城進行宣傳，譚俊彥（Shaun）、郭柏妍、姜大衛、黃洛妍及韋家雄等均盛裝出席。活動上，一眾演員分享角色及拍攝感受，郭柏妍與黃洛妍等聯同港業餘管弦樂團HKAO團長蘇潔明即席演奏樂曲。由於女主角李佳芯（Ali）已約滿離巢故缺席宣傳，監製羅永賢透露正積極爭取Ali幫手宣傳。
羅永賢表示：「Ali她雖未能親臨，但都幫手做線上宣傳。」被問及Ali缺席是否影響宣傳效果，他直言：「當然啦，希望齊人開飯，Ali的演出精彩，觀眾定能看到她的努力。」並強調Ali戲份只會更多，不會減少，「我哋點會自斷一臂？大家關係都仲係好好，只係身份唔同咗。」
Shaun回憶告知劇中女兒郭柏妍劇集播出日期時，「她激動哭問：『真係㗎？爸爸，好開心呀！』」Shaun表示今日（25日）將赴馬來西亞及新加坡工作，計劃探班正在當地拍劇的Ali，希望能一起於線上為劇集宣傳。談及游說Ali返港，他笑稱：「我日日都游說緊，但係佢真係忙緊。」他表示拍攝時劇組親如家人，即使流感高峰期仍抱病堅持拍攝，這份感情好難被取代。他更透露將驚喜現身馬來西亞，祝賀父親狄龍獲頒終身成就獎。而今個月30日生日的他，表示完成香港的宣傳活動後，會再飛新加坡跟家人一起慶生。
郭柏妍為角色苦練大提琴，即場表演亦有板有眼。郭柏妍坦言壓力大，因為都係演奏級樂譜，就算學緊大提琴嘅人都需要花啲時間去練習，「日日都喺屋企喊，因為好驚大家覺得唔似，希望大家覺得有少少似，但係喊都冇用嘅，都係要死啦，所以有時都會拉到好似劏雞。」
黃洛妍大讚其指法與手法專業，「多年學習者也未必能達到。」首次拍劇的黃洛妍自爆緊張到漏拿劇本，「以為只有一本，原來有廿幾本」，並指角色與自己有七成相似，三成唔似是角色說話較尖酸。郭柏妍亦笑稱初識以為黃洛妍很兇，但相處後改觀。
評論