香港文匯報訊（記者 梁靜儀）陸永、鄭詩君（C君）夥拍胡敏芝（Karen）主持的旅遊文化節目《旅行最緊要近》，今晚（24日）播出在潮汕的最後一日行程，請到玄學家麥玲玲師傅擔任特別嘉賓，玲玲師傅帶各人到當地一間富豪飯堂，品嘗過千元一片的碳燒巨型響螺片。
此外，明晚（25日）節目播出最終章，三人來到惠州享受陽光與海灘，該處素有「中國馬爾代夫」稱號，不過C君有另一種看法，他說︰「唔使話似唔似人，惠州自己都幾正吖。好多民宿、酒店同Resort（度假村），好舒服。」他又提到有網民稱Karen為「小薛凱琪」，Karen卻不表認同︰「因為薜凱琪靚太多喇，我諗啲網民講下笑，搵啲嘢嚟講，即係話你好似邊個、邊個，因為講唔出你個名。」C君接着指三人非常合襯，毫無違和感，他說︰「睇返片同相係幾襯，似咩呢？似《魔戒》組合，樹人、哈比人加一隻精靈，個畫面好卡通。」
評論