香港文匯報訊（記者 梁靜儀）方力申（小方）在今年情人節公布與太太葉萱（Maple）在美國結婚，婚後並一擊即中，太太現懷有5個月蛇B。小方近日在內地開騷，更揭曉今次是B女，他卻稱接受不到。

小方早前出席活動時被問到BB性別時就賣關子，時隔幾日他就在佛山演唱會上就揭曉太太今胎陀B女。近日勤力搵奶粉錢的小方，除了開辦游泳學校，又頻頻在內地開騷。昨晚小方在佛山舉行演唱會，除邀得關智斌（Kenny）做嘉賓，一起合唱外，小方更即場刺穿氣球公布BB性別。當小方刺穿台上的一個大氣球後，即湧出多個粉紅色小汽球，全場嘩聲四起，小方就坦言接受不到，衝擊太大，並播出與太太的一段對話，當中他說：「真係㗎？真係？冇可能，冇可能，冇可能喎，我冇可能估錯㗎，（係呀，係女）真係㗎，我被人哋估中咗，我係外父呀。」

他又搞笑說：「到今日我都仲未好肯定佢係女嚟，所以月尾我陪佢（指太太）照個結構，睇吓有冇嘢突出嚟，到時下一站再同大家confim 吓，下一站再話畀你哋知。如果佢係仔我會改咩名，如果佢係女我改咩名。」

小方坦言接受不到是B女，他自己用了一日時間在想，但其實仔同女又有何分別呢？不過他坦言如果是B仔，兒子會好大壓力，因為他一定要兒子練游水，好有禮貌、誠實、生性，但如果是女兒，就是他自己就好大壓力，他解釋道：「我想我長命啲啦、fit啲，想好似有關智斌啲腹肌，我想保護佢（女兒）啦，我想佢拖住我嘅時候，佢覺得我老竇仲係好有型啦，所以我好有壓力。」

至於初次跟小方同台的Kenny留言多小謝小方邀請，並笑說：「多謝你邀請呀！仲有恭喜準外父！」