香港文匯報訊（記者 子棠）葉童和黃德斌合演的舞台劇《唔講得》將於9月4日至7日在文化中心大劇院重演。近日進行新一輪排練時，葉童說：「我同德斌係上年合作呢個劇，之後我哋去咗幾個地方演出，9月就會喺香港重演，大家都好開心。今次同德斌再合作有一種熟悉嘅距離感，唔知係咪一種感情嘅昇華，就好似要行番遠少少去觀望佢，去體會佢嘅感受嘅嗰種感覺，我唔知德斌佢點諗，但我覺得佢好似迴避緊我，佢開始對我有距離感！冇嘢嘅，我接受到嘅，有啲你唔想講嘅就唔好講，我明有啲嘢係唔講得嘅。」德斌稱：「呢個劇過咗咁耐再喺香港重演，對我嚟講係一個新鮮嘅體驗，因為今次有啲唔同，特別係音樂方面嘅處理方式，我會當佢係一個新嘅劇去做。」

葉童透露今次的重演有新嘗試，就是與德斌的「鬧交」場口改為「唱」，德斌更笑言二人將會現場互「唱」，把心底話「唱」出來。葉童續謂：「我唔單止會獨唱樂壇大姐大嘅歌，我仲會同德斌合唱一首天王天后級嘅歌，去『唱』出我哋係劇入面嘅心情。我哋一直以嚟都係用對白呈現感覺同故事，今次就將我哋嘅心情用歌曲呈現，我有一種『唱』德斌唱得好澎湃嘅感覺，我會周圍去『唱』佢。」