香港文匯報訊（記者 子棠）陳慧嫻日前在杭州舉行《The Fabulous 40演唱會》，並請來容祖兒擔任嘉賓，兩位天后高帽互笠不停。

慧嫻和祖兒合唱《跳舞街》後，慧嫻即爆料指她第一次「見」祖兒是在尖沙咀街頭的唱片海報，她說：「個女仔一定紅！第二次見佢就係喺一個頒獎典禮嘅慶功宴，佢拎獎，而且佢爆紅！」祖兒好奇問道：「點解你睇到張海報會覺得我有機會呢？」慧嫻坦言是氣質，祖兒立即追問：「係點樣㗎？」慧嫻神回：「唔需要太靚，但係需要有一姐嘅氣質，我一睇你就有呢個氣質。」祖兒則謂：「對我嚟講你就係好靚，你當時都係爆紅。細個時候見到你，你嘅形象、衣着，都係當時廣東樂壇嘅指標，你嘅音樂就係全方位嘅一個聲色藝俱全嘅歌手。可以企喺你舞台上面做你嘅嘉賓，我非常榮幸，多謝你。」慧嫻補充說：「我係話你愈大愈靚，作為一個歌手，最重要係氣質。靚女有很多，但有氣質嘅女仔唔多，你同我都有，哈哈！對我嚟講，容祖兒永遠都係英皇嘅一姐！」

慧嫻又直言十分喜歡祖兒，二人早於2014年慧嫻三十周年演唱會已合作過，祖兒指當年收到邀請時立即答應，亦十分感謝一直以來慧嫻對她照顧有加，她每次演出，慧嫻都會發訊息鼓勵她，祖兒說：「佢會話『你做得好好。』對於一個歌手嚟講，能夠收到一個尊敬前輩嘅認可，對我嚟講係非常有意義。」