【地表最強】「一生好彩」唔再論盡

兆　文

第三場第四班1200米。「一生好彩」首兩戰1400同樣追勢凌厲，之後兩戰跑1600熱捧卻得個近字，前仗加面箍爭轉戰谷草1650，2檔起步又係跑近但三甲不入。幕後痛定思痛，前仗拚後安排小休，並首度北上從化備戰，期間在當地試兩課閘，效果極之顯著，上仗復出爭1400首度上名，沿途走外疊望空蝕位，僅不敵再出升班再好表現的「同心同樂」。

「一生好彩」今次轉戰谷草並縮程，能否如願賺到級數不得而知，不過周一由廖康銘親主持試跑，入直路加速即拋甩伴跳馬，仲要唔似過往論盡，動作順暢得多，的確大有進展，勇熟程度更進一步。

第七場第三班1650米。「浪漫老撾」講近況絕不輸蝕，講形勢，今戰快馬眾多更不蝕章，甚至可能大賺，分頭不俗之下，極具可吼之道。

「浪漫老撾」一向星味一般，但卻交出5冠7亞3季，累積獎金高達$8,674,550。睇番昔日五次贏馬，前季49九及59分，上季兩次同樣評65分，到了今季296場70分建功，再睇埋上仗71分獲亞，459場評75分入Q，似乎有愈老愈勁的味道。而上仗獲亞表現尤其出色，一來跑出1.39.21，是「浪漫老撾」有史以來締速最快一次，二來去到最後彎尾及入到直路，曾數度同「紫荊歡呼」碰撞，難得依然交出超強後勁，鬥心勁到不得了。