香港文匯報訊（記者 子棠）由陳柏宇、馮允謙（Jay Fung）和黃妍等歌手聯乘表演，資深音樂人Edward Chan（陳浩然）率領普羅管弦樂團打造的《甚麼是喜劇》音樂會，將於7月19至20日假香港文化中心大劇院舉行。音樂會將融合喜劇、舞蹈與獨特舞台裝置等元素，希望博得入場觀眾一笑。

陳柏宇和黃妍談到最喜愛的喜劇，都不約而同指是周星馳（星爺）的經典作品。陳柏宇說：「我哋都係睇周星馳大㗎嘛，我最鍾意係《賭俠》！𠵱家諗返轉頭，唔係話因為邊句對白或邊個笑位特別好，而係因為呢啲喜劇代表着一個年代。今次音樂會，我會唱啲未唱過嘅歌，係咩就……哈哈。」黃妍最愛《家有囍事1992》的「無定向喪心病狂間歇性全身機能失調症」，她笑着說：「嗰幕真係好好笑，哥哥（張國榮）好靚仔，啲對白又好好笑，起碼睇咗10次，新年都會睇。」在外國長大的Jay Fung最愛《命運自選台》：「Adam Richard Sandler真係好好笑，嗰種小人物好日常，好笑背後仲好有意思。」他透露，將會在音樂會上為觀眾呈現不一樣的自己：「係突破性嘅演出，哈哈！我覺得今次合作的歌手都好搞笑，希望唔會唱唱吓笑到收唔到聲。」