【滎心一言】中華威威擺明砌

丘嘉滎

徐雨石馬房就算畢咗業都未收爐，今期派馬五匹有不少係實力份子，好似「傳承者」、「燭光晚餐」同「廚神」都排好檔，希望有形勢之助，咁多馬配合而來，肯定有料到。

當中出爭頭場的老馬「中華威威」，部署上都有啲心思，馬匹喺四、五月跑五班谷草一千米，只能爭獎金名次，睇返原來要等兩個月先再有同程賽事，所以倉主5月中報跑田草千四減多少少分，之後就收埋做工夫，年長馬小休五十日照計有好無壞，而且「中華威威」已經大半季無試過閘，今次賽前搵小將試閘試得唔錯，馬匹今季初40分贏完五班同程，之後上四班竟然仲贏多一場，而家「中華威威」評分只有31分，加上配奧爾民騎練合作數據佳，半冷門可以一試！