香港文匯報訊（記者 阿祖）相隔一年半，黃心穎再次推出新歌，適逢BIG FOUR宣布舉行演唱會，這段時間難免令人揣測。早前接受HOY TV訪問，黃心穎表示每次推出新歌，心情都會很緊張：「猶其推出前兩個禮拜，我每朝早起身都會有一種肚痛，作嘔作悶嘅感覺，真係好似有咗咁！」

新歌「棄用」丈夫泥鯭做監製，黃心穎笑言是故意的：「因為我想搵一啲新人合作，有新嘅衝擊，咁當然佢都有偷偷指導我嘅！」而MV到最後心穎才見樣：「因為我唔想出鏡，我驚要拍好耐呀。同埋啲歌詞已經好直白，所以鏡頭就朦朧啲，隱晦啲，唔使咁直接。」黃心穎亦透露創作這首歌的時候，其實自己處於心很累的狀態：「當時係冇乜自信，有啲迷失嘅感覺，但𠵱家好好多喇！因為識得點樣去面對，同埋調節情緒，唔可以畀佢影響到自己，當我面對唔好嘅情緒時，我會直接面對佢，唔開心就畀自己喊，如果覺得好煩嘅時候，就畀自己三日，之後就唔可以再頹落去喇。要畀一個期限，亦都唔好抑壓情緒，因為係咁累積落去，最後都係會爆。但係就算爆，我都唔會爆老公，因為佢嘅反彈力都好強，哈哈哈！咁蠢嘅嘢我唔做㗎囉。」

對於黃心穎來說近年最美好的事，就是可以睡到自然醒，身邊的人和寵物身體都健康，提到生B的問題，心穎表示隨緣，有這一刻會覺得好開心，沒有也不會覺得缺失，以前會比較想做媽咪，但現在的年齡，發覺連照顧自己都很累，如果再照顧多一個小朋友，也不知自己能否應付得到。