香港文匯報訊（記者  阿祖）「唱作王子」馮允謙（Jay）新歌《吉卜力》由他與陳考威、黃兆銘共同作曲。MV中Jay飾演在公園孤獨吃兩餸飯慶生的男子，因追隨一隻黑貓而跌入奇幻世界，展開冒險旅程。他解釋：「這首歌想鼓勵大家用想像力（Imagine Land）面對不開心的事，令世界更美好。」

新演員王耀宏（Meaning）在MV中飾演「少年版Jay」，兩人在MV中雖未同框，但現場工作人員均驚嘆他們外貌神似。Meaning害羞地對Jay說：「我好開心人哋話我樣似你，其實我更想唱歌似你。」Jay則鼓勵：「你得嘅，唱歌唔使似我，要有你自己嘅聲音。」而新人陳書昕（Sheena）在MV中飾演由貓咪化身的日系少女，與「少年Jay」Meaning玩轉奇幻世界。

Jay坦言今次拍MV充滿挑戰：「CG結合真人效果很有趣，但要幻想被吸入異世界的反應，我要加入好多想像力去演，要畀咩表情？又唔可以太over！我不停問同事我演得是否自然。」一向官仔骨骨的Jay在MV中更突破形象，變身頭髮凌亂和臉紅紅「醉酒look」，他笑言：「天氣太熱，臉紅到像曬傷！」被問酒量時，他幽默回應：「全公司都以為我好飲得，雖然我唔係好勁，但我唔怕㗎！」

《吉卜力》歌詞意思是投入幻想世界，開解內心的不快樂，Jay亦公開他的「開心秘笈」，說：「我好鍾意食嘢，但因為要開騷要keep fit唔可以食咁多。仲有，我鍾意睇電視。」他透露最近重溫《龍貓》，長大後更懂其中家庭與自然的深意。他自爆平時愛幻想：「有時諗到啲古靈精怪嘢會笑咗出嚟，作為一個創作人要多啲想像力，諗到啲得意嘅idea就會忍唔住笑。」