由邱禮濤執導的電影《我們不是什麼》昨日舉行開鏡儀式。

香港文匯報訊(記者 梁靜儀)譚耀文(阿譚)、江𤒹生(AK) 、陳毅燊(ANSONBEAN)、林宣妤、車婉婉、黃又南、梁雍婷、袁富華、徐偉棟及駱振偉等昨日出席由邱禮濤執導的電影《我們不是什麼》開鏡儀式。

譚耀文(中)、江𤒹生(右)和陳毅燊合作演出。

譚耀文與導演邱禮濤相識多年,再次合作,阿譚笑說:「我入行前好鍾意同同學去尖沙咀一間咖啡店飲嘢扮文青,喺入邊就遇到真文青,佢就係導演。」他透露今次在片中飾演鑑證科人員負責查案,問到戲中可有感情線?邱禮濤就指會有幾條、好複雜。

問到電影市道步入寒冬,開戲是否很難?邱禮濤坦承的確很難:「係難,但我入行40年,回憶中今年嘅寒冬唔係最凍,以前金融風暴、沙士、科技股爆破個氣氛比依家仲差,再早仲有翻版碟問題。」 他續稱近年的戲院結業潮,對電影業的確有影響,身為電影從業員加上又是喜歡電影之人,感覺是悲哀,很難找到投資者,但對他來說從來都沒容易過,拍戲辛苦是正常,但他就是喜歡辛苦。

MIRROR十二子前晚與陳奕迅(Eason)同台演出,AK表示感覺夢幻:「第一次綵排時,佢逐個同我哋握手,仲講得出我哋所有人嘅名,真係High到飛起。(你係佢粉絲?)邊個唔係?十幾年前我仲係舞蹈員,人生第一次做演唱會,Eason都有嚟睇騷,當時同佢影咗張合照,估唔到十幾年後可以同佢同台,真係非筆墨所能形容。(有冇同佢講想合作?)時間太短,我哋已經好厚顏,明知阻住其他人,但我哋都逐個同佢影合照。」

問到現場有否慰問早前墮海的姜濤?他稱有,但未有多問,想給對方空間復元,至於會否叫對方覆電話?他笑言:「大家都已經習慣,每個人都有自己嘅習慣,冇乜需要去改。(Anson Lo手術後再跳舞?)大家都好OK,好安全同健康。」

首次拍港產片的大馬女神林宣妤,透露角色主要負責查案,沒有感情線。她表示現以香港為工作基地,現屬自由身,問到娘家無綫可有找她拍劇?她坦言:「暫時未有。其實無論電影或電視劇我都想試多啲,今次嘅角色我都未試過。(想唔想返無綫拍劇?)有戲開已經好好,我唔會揀。」談到感情生活,之前在社交網跟舞台劇演員男友劉俊堅放閃的她甜笑說:「好穩定,好開心, 但唔想focus喺佢度。」