【地表最強】手錶之星箭頭所在

兆　文

第五場第四班1200米草地。「手錶之星」最初由丁冠豪訓練，一季未完已經他投至巫偉傑馬房，今季在巫廄已於田草四班1200取得連捷，兩季下來累積獎金達到268萬，但比拍賣價560萬仍差一大截，個多月前又轉到廖廄，可見幕後求勝心切。

「手錶之星」上仗轉倉首戰不跑首本同程，反而轉爭谷草1200，再看排黃金1檔也有近6倍分頭，擺明並未太過有信心，相對如此仍跑到第四合格有餘。今戰跑番田草首本戲，戰意不可同日而語，尤其賽前上從化備戰，上仗既無如此安排，原來之前在丁、巫廄也未試過北上，更重要廖廄從化兵向來成績不俗，值得睇好。

第十一場第三班1400米草地。「錶之星河」初出跑條件賽已表現不俗，排檔不利全程外疊，且前列馬隻隻勁揪，跑第五輸兩個馬位合格。之後一連三仗落第但全部輸近，540場首度爭泥地拚獲亞軍，去到大前仗重返1200配潘頓更贏馬，當日場地大利前置內欄，「錶之星河」能夠走外疊後上贏好誇張，仲要擊退同樣高質的「綠野飛馳」。

「錶之星河」之後兩戰俱捧到十幾蚊，充滿信心不負眾望，次次贏來姿態兵不血刃，3歲馬已如此優秀，前途一片光明，不待下季才上陣，當然抱有極大把握，志必成為今季最佳新馬，再看今戰對手實力平庸，篤定再建一功。