【滎心一言】「英雄豪邁」機會大

丘嘉滎

連續三期跑沙田賽事，上期潘頓可以做扶手棍，但睇番今期一哥手馬無咁惡，而且好多新馬參戰，舊馬又無乜睇頭，預計今期都係悶局。

第二場四班一千有五匹初出馬，但睇落無上星期「駿馬之曲」咁惡，不如吼吓搵減磅騎師嘅「英雄豪邁」，雖然上星期三剛跑完匆匆再戰，但睇番霍宏聲因應外檔留後，直路輕描淡寫當無乜用過力，再睇番前仗「英雄豪邁」只不敵「舞林寶典」同埋「中環精英」跑第三，而且「英雄豪邁」跑中疊較不利路段，加上時間都造得唔差，今期搵到黃智弘減5磅，計埋減磅已經比贏馬時少接近20分，兼且馬匹檔位轉好，如果守到包廂位好大機會打開今季勝利之門！