香港文匯報訊（記者 子棠）蘇韻姿除了忙幕前工作外，還擔任教育工作，最近她與麥秋成、何遠東（東東）等跟劇團合作主理兒童音樂劇課程，她說：「因為劇團今年底想做一個兒童音樂劇，所以就趁暑假時間做呢一個音樂劇課程，希望針對訓練小朋友音樂劇嘅需要，因為市面上有好多唔同嘅唱跳課程，但多數都係圍繞K-Pop，比較少係針對性音樂劇，而呢個課程就搵我同麥秋成、何遠東嚟做升級導師，秋成負責教跳舞，東東負責教戲劇，跟住我就負責教唱歌。」

其實蘇韻姿向來都有從事教育工作，主打英語歌唱，而過往由讀書時期開始，她已擔任補習導師，可謂經驗豐富，她表示：「 我好鍾意見到小朋友進步同埋增加自信，所以教育畀到我呢種滿足感。」

至於跟小朋友相處，蘇韻姿可有特別秘訣？她謂：「 同小朋友相處係要取到一個平衡，要同佢哋玩得埋時，亦都要喺需要嘅時候保持到威嚴嘅一面。不過我多數教嘅班，氣氛都係開心同放鬆，因為我想令到小朋友鍾意上堂、鍾意學習，能夠令到佢哋有興趣，就好自然會投入同埋付出努力同時間。」