丘嘉滎

今期馬匹報名相當踴躍，就算有三組四班千二米，幾乎所有馬匹都有保護權或打王牌上陣，除咗部署顯心思之外，特別要留意有鬥志嘅馬房。

容天鵬馬房今期有唔少實力分子喺手，「飛黃」作為馬房正選，可惜運氣麻麻排咗12檔，而副選「中環精英」就強配潘頓上陣，大有機會係主力。「中環精英」今季初用小妹喺四班贏馬，之後上三班都成日落飛，不過好多時都無形勢，但忠心馬好少甩獎金，「中環精英」前仗配潘頓跑直路一千發揮極佳，可惜不敵郭天王嘅「舞林寶典」，雖然「中環精英」兩場頭馬都喺沙田得手，但谷草對手較次，而且睇番同場快馬唔算多，如果頓哥好似騎「魯班精神」咁積極，有權一放到底，今次「中環精英」轉場又有乜好怕？