香港文匯報訊（記者 梁靜儀） 無綫熱播戀愛綜藝真人騷《女神配對計劃》，前晚（22日）播出第三集，曾展望（GM）及葉蒨文（Sophie）短短一餐Fine Dine不但吃出了溫馨、浪漫又熾熱的愛火花，還吃出了滿天飛的醋意；原本獲一致睇好抱硬美人歸的GM，在首輪約會中竟因過度表白及太過主動，令女方好感度「不升反跌」，加上半路殺出程咬金—林澤謙(阿Him) ，以及GM在Fine Dine遊戲中只勝出了一個回合，未有足夠時間好好表達愛意及與Sophie交流，最終只能眼白白看着Sophie與阿Him共渡「甜品時光」，情景苦澀！
當GM得知自己在首輪約會中落敗後，面對主持林盛斌（阿Bob）慰問，原本已失落頹喪到目光呆滯的他，先是有口難言地吞了一大啖口水、再強顏歡笑望向阿Bob、並投出了一個意味深長的眼神，全程欲言又止的狀態與平時口若懸河的他判若兩人。
最終未有即場說出自己感受的GM，事後坦言感到失望：「睇住自己鍾意嘅女仔揀咗第二個，對自己有啲失望。」GM的失落就連花生團亦為之動容，江美儀更忍不住一再感嘆：「GM真係慘喇，眼淚在心裏流睇吓佢。」另外亦有不少網友被GM慘情樣感動，紛紛留言表示同情。
GM火力全開追求女神，卻因攻勢過猛反而令Sophie有點卻步！除因GM醋意大發勸阻Sophie買咖啡給其他異性，GM真摯又脆弱的「我不懂拍拖」言論，更令Sophie坦言有感到壓力。
GM說：「拍咗拖我覺得我都幾緊張女朋友…我驚我自己好鍾意一個人，點解好似成日扮到咁瀟灑呢？其實有陣時好驚自己好鍾意之後會好Hurt(受傷)，所以一有啲鍾意喇，就同自己講，唔好咁鍾意，因為我覺得每次自己好認真嘅時候，好似都會出事，所以其實我平時都好少可會想公開追女仔，但我見到你之後真係有個念頭，想試一下照顧你。」又透露自公開表白後「對Sophie更堅定」：「我絕對唔會放過任何一個機會去捉住佢。」
Sophie雖然對GM的真摯剖白感動到眼濕濕，但她事後坦言招架不住：「其實我招架唔到，好似好快咯，我唔知點反應…我鍾意咁深情、有一種偏愛嘅感覺，但係第二次見面咋喎，其實我哋都有好多價值觀嘢未傾過，就要我承諾一啲嘢，我就會覺得有啲壓力。」
雖然Sophie對阿Him表現得相當有興趣，亦坦言對GM的急進猛烈攻勢有些吃不消，但當Sophie與阿Him在「甜品時間」甜玩「答案之書」時，阿Him追問自己是否Sophie暗地保護的人時，「答案之書」竟給出「Hold on（等一等）」的答案，Sophie對此給出了一個耐人尋味的甜笑之餘，還意有所指謂：「都啱嘅」。
原來Sophie想保護的人始終是GM，加上Sophie揭出GM二字時的甜蜜笑容，「MC CP」絕對充滿「緣」機！Sophie說：「咁我本身已經對佢有啲好感，跟住見到佢上次咁勇敢過嚟參賽，我係好想同佢有機會相處同了解多啲，所以我揀咗佢。」
0
已點過讚
0 / 255