香港文匯報訊（記者 梁靜儀）無綫戀愛綜藝真人騷《女神配對計劃》，本周日（22日）晚播出的第三集，將直擊葉蒨文與三位組男林澤謙（Him）、林堡熙（Eddie）及曾展望（GM）的「三角枱約會」；「三角枱約會」分三大回合—「前菜、湯及主菜」進行，每個回合三位男組員均需接受製作組因應女神擇偶條件設計出來的任務進行角力，葉蒨文的三項任務分別為1.口味、2.刁鑽泊車技，及3.磁性情話大挑戰！每個回合只有勝出者方可獲得與心儀女神面對面Fine Dine兼對話機會，其餘兩位則只能呆望女神的背影或側面。

一心想將Sophie追到手的GM勝在戰意夠濃，即使在未能勝出回合，仍經常有意無意在Sophie與其他對手說話期間瘋狂插嘴，又指出Sophie愛吃芫茜宣示主權。豈料不但遭到Sophie質疑，還換來女方一盤冷水：「其實我係咪只係可以同你（該回合勝出者）講嘢㗎咋？」進擊的GM即時補鑊：「其實我都想問嘅，你介唔介意我哋搭嘴㗎？不過如果我贏咗，我都會畀你一齊傾嘅。」未知是否太心急搶攻，GM說時連嘴角沾了醬汁也不自知，樣子趣怪又可愛。

而整集重頭戲，當然落在GM與Sophie面對面撐枱腳環節！GM一嚟即口花花大叫「蘇菲姐姐」，又雙眼帶着羞澀及笑意向Sophie說：「第一次同你兩個人食飯！」面對突然變靦腆的GM，Sophie再度「主持」上身控制氣氛，主動問GM要不要品嘗她點的菜，又向着緊張的GM Bling Bling眼兼咬唇問道：「定係你想食我口水尾吖？」受寵若驚的GM亦馬上把握機會接招：「如果你想我食，我唔介意㗎！」甜蜜指數爆燈，「花生友」江美儀都被閃到尖叫！

之後，GM再以Sophie曾為他送上一杯畫有Candy（Sophie《愛‧回家》中的角色名字）圖案的愛心咖啡展開進一步強攻：「你知唔知呢件事（送咖啡）好危險㗎，因為會令人心跳得好快㗎嘛。」GM補充指當年與Sophie合作《愛‧回家》期間，Sophie因Feel到他不開心向他送上這杯「Candy Coffee」，令他「嗰吓其實都幾感動」。不過亦因為這杯咖啡，令GM滿腦疑問，並於Fine Dine期間一再試探式追問Sophie「你係咪成日都咁樣買畀其他人？」、「咁你可唔可以以後唔好請其他男仔飲？」、「我唔係咁想你對其他男仔好」、「同埋你想請邊個飲同我講，我幫你請佢哋飲。」

被進擊的GM嚇至「嘩」一聲的Sophie，隨即反問GM是否「好易呷醋」，更追問GM會否介意她拍親熱戲，GM對此亦坦白說出心底話：「其實老實講，OK就唔OK架喇，咁但係……（停頓數秒）要氹返我咯！」更邊說邊做出一個強度十足的害羞撒嬌表情，其間還不忘向Sophie投出一個勁冧滋滋的眼神，令Sophie忍不住大笑兼大叫「喂呀」！

面對GM這位超強勁敵，阿Him與Eddie分別「更正強人」上身及使出「眼神殺」連番反擊，令約會現場「刀光劍影」，相當精彩。首輪「三角枱約會」將淘汰兩名參賽者。