譚耀文（譚哥）與年輕演員林家熙（Locker）近日為合作主演的港產電影《拼命三郎》接受香港文匯報專訪。譚哥與Locker拍戲前就相約交流，均認為對拍攝十分有用，不用再花時間磨合，Locker稱第一次跟譚哥合作感覺放心又舒服。譚哥則稱是他向年輕人學習，入行三十多年的他不想變落後，認為應更放開自己，接受新事物。 ●採訪：梁靜儀 攝影：黃艾力
由陳大利編劇及執導、黃子桓監製的《拼》片，講述過氣江湖大佬石三郎（譚耀文 飾）出獄後以代客泊車維生，因代兄弟出頭鬧上差館，更重遇多年沒見的兒子石頭（林家熙 飾），知道石頭得罪江湖大哥兒子，他決定出頭為子解決紛爭，因而重遇一位恩怨糾纏不清的昔日兄弟。堅信只要努力總有出頭天的三郎，在子債父還的事件中，意外地東山再起，兒子則重新認識父親，並受到父親的啟發而決心要在拳界發展，兩代「拚命三郎」在逆境中打拚。
譚哥與Locker首度飾演父子，被問到二人如何增進「父子情」，譚哥笑言因戲中開初父子的關係還未修補，所以雙方要有點距離感，開拍前反而不要過多溝通。不過譚哥今次為了Locker做了他從影以來未試過的事，就是約咗Locker出來見面談話。獲前輩邀約的Locker，形容感覺很好，像在跟一個朋友談話：「譚哥約我真係傾偈，唔係一來就傾部戲同故仔，大家傾吓生活狀況，傾吓我點入行，我又八卦佢嗰時係點，但又冇傾到好深入。」點到即止正好配合劇情前段二人的父子關係，再交流就是談大家的喜好，以及對影片的想法。譚哥自言性格較內向，但今次會主動約Locker是因為潛意識想「父子」做好角色，自己作為前輩便行出第一步。
林家熙入行後遇迷惘期
戲中Locker飾演對人生感迷惘的年輕人，問他現實中又可遇過迷惘期？Locker直言入行後也曾遇過：「角色同我本人真係幾唔似，我係要好有目標及計劃才做事的人，迷惘狀態反而係發生在我入行後，我想做演員拍戲，機會未到時就會迷惘，會諗冇戲拍點算呢？心急又擔心。」Locker表示當時有做兼職維持生計，但日子久了便覺得自己離開娛樂圈越來越遠，曾想過放棄，幸好之後陸續有電影找他演出。
星途並不平坦的譚哥又可有分享其心路歷程？譚哥相信Locker都看過有關他的報道，又大讚年輕一代的EQ很高，反而是他向年輕人學習： 「相比以前自己嗰一代會好執着，跌咗落嚟就唔知點，或者唔係好願意接觸出面啲行業，現在的年輕人則很有能量同彈性，知道自己做緊乜，所以好啟發到我應付現在呢個年代。」
入行三十多年的譚哥拒絕落後，認為應更放開自己，接受新事物及觀念，他笑說：「我仲未Out的一個可能，係我好怕聽到人死守以前啲舊思想，Old School係唔得，偏偏三郎角色就係咁樣。」為了沉浸過氣大佬這個角色的氣場，譚哥想將自己的中年危機放大兩倍，他不諱言現實中的中年危機非來自家庭，而是他對事業仍有所追逐：「係因為唔知道自己再點樣行落去，但我係不斷有戲拍，當然冇以前咁多。」譚哥不諱言對角色「石三郎」有所寄望，但他對於獎項還是抱隨緣心態。戲中賣力演出的Locker，直言作為演員當然想獲獎得到認同。問到可想兩父子一齊攞獎？譚哥即說：「最好啦。」
0
已點過讚
0 / 255