香港文匯報訊（記者 梁靜儀）陳豪、林德信及朱栢康等今日出席活動，陳豪的媽媽也有現身。陳豪指因早前很忙很少見媽媽，剛好昨日有活動便偕同媽媽一起來，至於小朋友，就要晚上才有時間跟他們一起食飯慶祝父親節。他又透露子女送了張父親節卡給他，又說知道爸爸工作辛苦，叫他不用太辛苦，說最緊要有他就得，很窩心，早上子女也有錫自己，令他好冧。

陳豪形容本月是廣告月，因他早前忙於拍劇，好幾個廣告或活動也在本月才進行，笑問他可有送禮奬勵自己？他即笑說：「唔會，我啲錢唔用得，要儲錢供奉畀小朋友。大家都知我捱得辛苦，但都冇所謂，我係捱但我幸福，有三個小朋友加一個大天使（陳茵媺），我願意！」

林德信指父林子祥身體好

林德信（Alex）今年首次以爸爸身份慶祝父親節 ，他表示工作完後會跟爸爸林子祥，三代同堂一起食飯慶祝。去年榮升人父的Alex透露囡囡已15個月大，英文名叫MingMing，中文名叫林明，是爺爺改的，問到名字可有意思？Alex說：「Daddy有日發夢，夢見日、月，加上又鍾意個明字，所以就喺呢個名。」初為人父的他，形容女兒出生最初半年辛苦又擔心，因為很多事情需要適應，但現在已好了很多，不過就會擔心賺錢和揀學校方面的事情，他笑說：「以前單身從來冇諗過呢啲事情，所以要生小朋友事前要有計劃比較好，所以當初知道太太懷孕後連蜜月都冇得去，之後都會補返。」

另外，早前車婉婉貼出與林子祥的合照，被發現到林子祥的右邊臉十分歪，鼻子及嘴巴亦明顯傾斜，問到林德信爸爸的身體狀況？他強調爸爸身體很好：「我覺得佢應該要唱多啲歌，佢上到台就可以越唱越健康，年紀大要keep住運動、工作及應酬，咁樣就會好好。」