丘嘉滎

上星期日萬里無雲，就算4點開跑天氣仲係好熱，今個星期就因為打風而有機會影響場地，變相提高揀馬難度。

　第八場二班千二有唔少快馬，例如有「天天同樂」、「人和家興」同埋「龍之輝」，預計步速偏快，「精算暴雪」季中曾以超強後勁連勝兩場，到二月遇上慢步速賽事不合發揮，之後更加停操一個月，不過睇番馬匹上季停課4個月，今季初休後復出都上名，今期賽前試足三課大閘，最近一課早段扣實末段自動湧上，狀態唔差。

「精算暴雪」今仗排好檔容易搵到遮擋，步速形勢亦適合發揮，加上馬匹有變化地賽績，只要臨場唔落大雨照計可以應付；艾道拿最近成績麻麻，近7個賽日只有「星際快車」同「英勇快車」兩場頭馬，兩駒皆出自蔡約翰馬房，騎練合作可以睇高一線！