年滿60歲或以上長者要享用2元乘車優惠，必須使用樂悠咭。網上近日瘋傳一段影片，指有一名大嬸乘搭九巴72K時，因樂悠咭餘額不足，卻夾硬畀現金2蚊上車，其間與其他乘客連番爭辯，最後車長更要停車和她理論解決事件。影片引起網民熱議，紛紛斥責該名大嬸的行為離譜。

有女乘客日前於社交平台threads上載一段影片,指九巴72K有1名老婦八達通餘額不足，卻夾硬畀現金2蚊上車，導致九巴停駛，車長要與大嬸理論解決事件，「香港地勝在有太多呢啲廢老搞到我返工遲到。八達通冇錢就俾全價啦，仲俾兩蚊。而家全世界就因為你開唔到車」。

從影片的的聲音顯示，一男一女的巴士乘客，指摘該名大嬸「……唔係兩蚊，呢個係法例」、「你識唔識法律㗎?」，手持樂悠咭的涉事大嬸則反問「你係邊個?」、「我嚟個次就係2元，我唔識囉」、「你唔係巴士公司的人，唔好講，收線」、然後她轉身走向車頭位置，影片到此結束。樓主直指，「最乞人憎係佢個態度，所以大家先出聲話佢 」。據悉，後來車長更要停車和她理論解決事件。

網民大面倒斥責該名大嬸的行為，「香港用樂悠咭先有二元乘車優惠，亞嬸嬸」、「現金要俾全價，你阻住全車人被人打唔好問點解」、「這種人阻礙人家時間上班」、「着數識攞，條文又唔睇清！」、「咪請佢落車增值先坐落囉」、「成個乞衣咁……」、「恃老賣老」。

(來源：點新聞）