【滎心一言】燭光晚餐縮程掂

丘嘉滎

上星期落咗成個星期雨，近日因就嚟打風嘅關係，天氣又熱又焗，谷草去水咁快預計都係前置馬好惡。

第二場由第四班馬跑一千，快馬唔多，預計會搶前嘅有「辣得金」同插班初出嘅「雪茄福星」都排喺大外檔，不如搏吓開始有走勢嘅「燭光晚餐」。

呢馬匹初到香港試閘時已經引人注意，所以一落地都吸引唔少人投注，但「燭光晚餐」只係因為重口留唔住所以先有試閘大勝嘅表現，馬匹落場競逐俾馬燒好早就力弱，但嚟到季尾馬匹都逐漸開始放鬆，上場操控步速領放，可惜不敵「富國兄弟」，不過5月21日當日貼欄為不利場地，而且「燭光晚餐」外地贏一千至千一，今仗縮落谷草一千理應更合腳法！