香港文匯報訊（記者 梁靜儀） 33歲前女子組合Cream成員李蘊（Renee），婚後與老公羅章冠及一對子女長居內地，早前被爆出已離婚兩年，前夫羅章冠更曾發文暗指「被背叛」，談到「出軌」傳聞，她只稱現時與前夫關係不錯。

回復單身後宣告復出的李蘊，今日出席活動宣傳自資5位數字的新歌，她表示：「新歌叫《由自可》，香港人好鍾意咩咩由自可，香港歌手要多宣傳廣東話，調轉係可自由，主要講近排大家嚟緊都覺得世界末日，係一個預言，但駛唔駛咁驚，我覺得活好每一日就可以，總之唔好咁擔心。」她坦言以前都好迷信，但現在會信自己多，當時會玩塔羅牌及算命，但去俾錢攞時都已經破了財，當中有準亦有唔準，曾經有講過她不可以早婚，不過當遇到時便會忘記預言。她透露現時每日都做直播唱歌，靠網民打賞收入，試過一個月有5位數收入，但手停口停。

問到出軌傳聞，李蘊未有正面回應，只說：「無呀，唔講喇！而家大家關係唔錯就唔再講喇。」早前她與前夫一起為女兒慶祝生日，她表示雙方好耐無一起食飯，有時接送子女都會見到，為了子女都不想將關係搞得太僵，都需要顧返爸爸媽媽的身份，唔好令小朋友覺得有唔好回憶，有時小朋友生日或節日，都可以一家人食飯慶祝，小朋友現時跟爸爸在內地生活，自己每星期都會返去跟子女見面。

她坦言目前與母親及胞弟在香港住公屋，但廣州亦有租屋住，強調自己有戶籍，每年也有申報入息證明。另外，她又稱已準備接受新戀情，問到擇偶可會要求是才俊？她笑謂：「乜才（財）都要，要接我過去，最重要對我好。」