丘嘉滎

成日都話希斯啲中年馬維持得好好，早有「艾莉奧」同埋「東方飛影」，近日亦有「人和家興」影贏大熱門「安康萬里」，呢個馬房啲冷箭令人驚喜。

今晚尾場的「好友心得」今季出賽頻率較疏落，二月嘅時候仲驗到心律不正同不良於行，似乎今季都係受傷患困擾，不過馬匹上場突然之間嚟個神來之筆，喺田草千二米走不利跑線入前三，而且所造嘅時間甚佳，今次「好友心得」回師谷草贏馬路程，期間喺從化操練積極，除咗落草地同登山跑道訓練之外，仲試多課大閘而來，同「氣勢」、「精算暴雪」等高分馬試閘都不落下風，雖然「好友心得」今仗排檔麻麻，不過跑道做完疏水工程加上天氣不穩，希望淡化外檔劣勢，預計會換到不俗分頭有得諗。