丘嘉滎

今期泥草混合賽遇上天氣變化，兩場泥地賽事都係搵番喺變化場地有賽績嘅馬匹安心啲，好似第四場泥地一哩賽事。

前置馬有「閃耀威龍」、「新意馬」、「天時明駒」等等，就算無上次「手到齊來」狂放咁快，都預計有偏快步速，「大利好運」上次交出最快末段，但今次再排外檔唔肯定搵唔搵到位，不如吼吓有換人變數嘅「年年友福」，「友福」系近日由田泰安接手，上期「喆喆友福」排外檔蝕位都上到名，我認為「年年友福」更適合田泰安發揮，雖然湯普新係贏馬拍檔，但入到直路成日困塞，如果有步速被動馬情願移出早啲發力好過搵位竄上，加上馬匹濕慢地過往跑兩次都上名，評分亦回落至贏馬水平，「年年友福」當然有權再贏多場！