香港文匯報訊（記者 梁靜儀）陳曉華（Hera）為無綫綜藝節目《一日打工限定》試做一日動物護理員。是次動物護理員工作體驗對Hera來說，絕對集體力、專注力及膽量考驗於一身，當中猶以捉蟲、玩蛇、搬運巨型木頭三大挑戰難度最高，而以捉麥皮蟲餵鸚鵡任務最為搞笑，原本Hera對於捉蟲深感有趣、新奇，不過當她將蠕動中的蟲仔拎上手時，即時被「難以形容的蠕動手感」嚇到尖聲大叫、全程瘋狂揼地喊驚：「佢哋好活躍呀，好驚呀！」護理員Melody亦被「暴跳Hera」嚇到掩嘴大笑。

去到「玩蛇」環節，Hera又馬上回復正經，用盡方法不驚動手上拿着的蛇，與蛇接觸期間全程嚇到「硬軚」，不時露出扁嘴驚慌的表情之餘，還一度要雙手合十定驚。Hera最後成功完成為蛇寶寶檢查工作，她事後指自己用了「拖字訣」去舒緩驚慌情緒：「我係咁拖時間同埋不停講嘢去抒發我嘅緊張，同埋要拎出自己最認真看待事情嘅狀態。其實我唔算係好緊張，我只係諗緊辦法去克服佢。」